മഴമേഘങ്ങള്‍ ഓര്‍മപെടുത്തിയത്.....

ഹൈദരാബാദില്‍ ഇത്തവണ കാലവര്‍ഷം കാലം തെറ്റിയും പെയ്തു കൊണ്ടിരിക്കുന്നു... ജൂലൈ പകുതിയോടെ നില്‍ക്കേണ്ട മഴ ഓഗസ്ടിലും തുടരുകയാണ്... നല്ലത് തന്നെ... ഇന്ത്യന്‍ ഇങ്കില്‍ തീര്‍ത്ത ഒരു അമൂര്‍ത്ത ചിത്രം പോലുണ്ടായിരുന്നു മഴമേഘങ്ങള്‍ ചിതറികിടന്ന നരച്ച ആകാശം; കര്‍കിടകത്തില്‍ പുതിയങ്കത്തിനു മുകളില്‍ ഞാനെന്നും കാണാരുണ്ടായിരുന്ന അതേ ആകാശം! കാല്‍കീഴില്‍ ചവിട്ടി തെറിപ്പിക്കാന്‍;
ഊടു വഴികളിലൂടെ കുത്തിയൊലിച്ചു വന്നിരുന്ന ചെളി വെള്ളം ഇപ്പോഴെന്റെ നാട്ടിലും ഒരോര്‍മ മാത്രമായിരിക്കും... അവിടുത്തെ വഴികളും, കോണ്‍ക്രീടിലും ടാറിലും അടക്കം ചെയ്യപെട്ടു കഴിഞ്ഞിരിക്കുന്നു... പുതുമഴയില്‍ കുതിരുന്ന മണ്ണിന്റെ മണം എന്റെ സ്കൂള്‍ ജീവിതത്തിന്റെ മണം കൂടിയായിരുന്നു... അതും എനിക്കന്യമാകും!